El Pelegrino
Dempóis una llarga viaxe
diendo acó viniendo alló
pelegrino matiego alloriáu,
la frol del tu deseyo:
Duas fuesas lloucas.
A la rada la isal aluches dondios
pórtico glosiosu, sangre vermeyo
güeyos aspros, muga esfrecida
conxunción dafecho.
Entre fusca olorosa, preposición,
erba de tomillo i xara
portas despechadas, bafo i xarope,
fasta agora enxamás asoleyadas.
Cortinas, pardos pardomontes,
Maquivélicos velos engarañíos
que velan el deseyo
seda aspra,
cambriza escura,
lluna allunada,
orbayu,
sol que achispa
malva l’alma
–Abondo xa malvada –
que se goza nel vaso
acogolmando l’altar.
En escurificando.
En clarificando.
L. Carpio (Salamanca)
Lletres Asturianes 47 (1993).
Esbilla
del.icio.us
Comentarios(2) »
Ye un poema d'autor apócrifu como tantos que se publicaben daquella en Lletres Asturianes. Si facemos un análisis d'estilu cuidadosu creo qu'hasta podemos sar el nome real del autor.
Home, lo que si que nun tá'n charru, pero pa nada.