Las diosas filadoras
Devanar, filar, texer y coser son llabores comunes a la diosa griega Atenea, a la romana Minerva, y a las diosas inda vivas nas creencias folclóricas europeas: la vasca Andrea Mari, la irlandesa Santa Bríxida, la báltica Laima, la eslava del este Mokosh/Paraskeva-Pyatnitsa (Vienres), y la rumana Sfinta Vineri (Santa Vienres). La xente nun podía desarrollar los vienres, el día de la Diosa, nengún trabayu que riquiriera voltiar, xirar o enrollar. Cualquier crase de llabor qu´implicara xirar dalgo yera tabú´l día de Santa Bríxida n´Irlanda. Tamién esistía una prohibición asemeyada contra esi tipu específicu de trabayos patrocinaos por Santa Paraskeva-Pyatnitsa, que tien el sou orixe na diosa Mokosh (conocida nel antigüu pantaeón kievanu del 980 d.c. cumo la única diosa femenina ente dioses masculinos d´aniciu indoeuropeu). Los trabayos típicamente femeninos –coser, filar, texer- taban prohibíos los vienres, asina cumo´l día de la sua fiesta anual, el 28 d´outubre, ya que las muyeres podían enfermar o camudase en rana. Las ufiertas a Pyatnitsa consistían en tirar a un pozu presidíu por un ídolu de madeira d´ella, llinu, telas texidas, llana de cordeiru o filos.
MARIJA GIMBUTAS, The language of the Goddess, 2001 [1989]
Esbilla
del.icio.us
Nun hai comentarios »