El filu de la vida
Antiguamente creíase que´l destín del home taba determináu dende´l nacimientu por una o por dellas diosas. Estas diosas, las Parcas de los romanos, las Moiras de los griegos, las Hathors de los exipcios, taban siempre faciendo dalgo asina cumo filar o texer un filu. Diversos puebros tuvieron la creencia de que la vida humana taba determinada (a veces dende´l nacimientu) por diosas maternales o por seres sobrenaturales, y que la vida termina cuando ellas tarazan una cuerda o un filu. Las Moiras tán estreitamente relacionadas colas Furias; el sou altar en Sykion taba nun monte dedicáu al cultu d´estas representantes vengadoras de la imaxe de la madre. Cloto filaba´l llinu alredor de la rueca deixando-ylu a xeitu a la sua hermana Láquesis, que filaba´l filu de la vida, antias de qu´Átropos lu cortara colas suas tisorias. Na tradición griega moderna las Moiras son vieyas qu´aparecen tres días despuéis del nacimientu del nenu pa filar el sou filu vital.
Los llabores de filar y texer representan procesos de creación y crecimientu. Símbolos relacionaos con estas actividades cumo´l de la rede, la tela, la cuerda y el texíu, asina cumo outros parecíos, empreánse pa suxerir el desarrollu de las vidas humanas individuales y del universu enteiru.
GÉZA ROHÉIM, Fire in the Dragon and Others Psychoanalytic Essays on Folklore, 1992 (1916)
Esbilla
del.icio.us
